Türkmenistanyň Döwlet Ministri - «Türkmengaz» Döwlet Konserniniň Başlygy
Maksat Babaýew Türkmen Döwlet Politehniki Institutyny 1996-njy ýylda «dag inženeri» hünäri bilen tamamlady. 1999-njy 2005-nji ýyllar aralygynda ol «Türkmengaz» Döwlet Konserniniň «Türkmengazulag» dolandyryş edarasynda düýpli gurluşyk bölüminiň inženeri, esasy bilermeni, Merkezi dispetçerlik gullugynyň uly dispetçeri we Aşgabatdaky şahamçanyň bölüm başlygy ýaly dürli wezipeleri eýeläp geldi. 2005-nji ýylda «Nebitgaz howpsuzlygy» dolandyryş edarasynyň gaz we tehniki hyzmat ediş bölüminiň başlygy, 2009-njy ýylda bolsa - «Türkmengaz» Döwlet Konserniniň «Türkmengazüpjünçilik» dolandyryş edarasynyň Aşgabatdaky şahamçasynyň başlygy bolup bellendi. 2012 -nji ýylda «Türkmengaz» Döwlet Konserniniň Başlygynyň orunbasary wezipesine bellenmezden öň, ol «Türkmengazulag» dolandyryş edarasynyň ýolbaşçysy bolup işledi. 2017-nji ýylyň fewral aýyndan aprel aýyna çenli Türkmenistanyň Döwlet Ministri - «Türkmengaz» Döwlet Konserniniň Başlygy wezipesini eýeledi. 2017-2018-nji ýyllar aralygynda Türkmenistanyň Ministrler Kabinetiniň Başlygynyň ýangyç-energetika toplumynyň meseleleri boýunça orunbasary wezipesini eýeledi. 2018-nji 2022-nji ýyllarda ol Gyýanlydaky polimer zawodynda dürli wezipelerde işledi. 2022-nji ýylyň aprel aýyndan 2023-nji ýylyň fewral aýyna çenli «Türkmengaz» Döwlet Konserniniň ýanyndaky «Tebigy Gaz Ylmy Gözleg Institutynyň» uly ylmy işgari bolup işledi. 2023-nji ýylyň fewral aýynda «Türkmengaz» Döwlet Konserniniň Başlygynyň orunbasary, 2023-nji ýylyň maý aýynda bolsa - Türkmenistanyň Döwlet Ministri - «Türkmengaz» Döwlet Konserniniň Başlygy wezipesine bellendi.