Ilçi, ÝHHG-niň Aşgabatdaky merkeziniň baştutany
Wankuwer şäherinde doglan we Kanadanyň harby-deňiz güýçleriniň serkerdesi hökmünde 33 ýyl gulluk eden, Jon MakGregor 2021-nji ýylyň maý aýynyň 1-ne ÝHHG-niň Aşgabatdaky merkeziniň baştutany wezipesinde işe başlady. Mundan ozal, 2016-2021-nji ýyllar aralygynda, ol ÝHHG-niň Özbegistandaky taslamalarynyň utgaşdyryjysy wezipesini eýeleýärdi. Mundan öň bolsa, 2013-nji ýyldan başlap ÝHHG-niň Bişkekdäki Merkeziniň başlygynyň orunbasary, şol sanda iki ýyllap ÝHHG-niň Bakudaky Edarasynyň başlygynyň orunbasarynyň işini ýerine ýetirijisi wezipesinde işledi (umumy şol edarada alty ýylyň dowamynda zähmet çekdi). Ol fransuz dilini bilýär we azerbaýjan, gyrgyz, özbek dillerinde çykyş edip bilýär. Ilçi MakGregor üç ýyldan geçýän tejribesi bilen ÝHHG-niň taryhynda iň uzak wagt gulluk edip gelýän Kanadaly meýdan wekilhanasynyň baştutany bolup durýar. 2020-nji ýylda ol gender deňligini öňe sürmekde goşandy üçin ÝHHG-niň Gender champion baýragynyň eýesi boldy («Ýolbaşçylar topary» kategoriýasynda). 2019-njy ýylyň sentýabr aýynyň 1-ne Özbegistanyň Garaşsyzlyk güni mynasybetli Özbegistanyň Prezidentiniň hut özi Jon MakGregory «Do’stlik» Döwlet Ordeni bilen sylaglaýar.