“NC Qazaqgaz" paýdarlar jemgyýetiniň müdiriýetiniň başlygy
Sanžar Žarkeşow uly halkara tejribesi bolan nebit we gaz pudagynyň üstünlikli ýolbaşçysydyr. Ol Gazagystanyň ykdysadyýet, maliýe we halkara söwda uniwersitetini maliýe hünäri boýunça tamamlady we Tehas uniwersitetinde nebit we gaz inženerçiligi boýunça bilim aldy. Onuň iş tejribesi 2008-2010-njy ýyllarda Tehasyň Nebit we Geosistemalaryň Tehnologiýalary Merkezinde gözleg inženeri hökmünde başlady, bu ýerde himiki tehnologiýalar arkaly nebitiň we gazyň çykarylyşyny gowylandyrmak boýunça işini ýerine ýetirdi. Soňra “ExxonMobil” kompaniyasyna goşulyp, Amerikanyň Birleşen Ştatlarynda we Yrakda buraw inženeri, şeýle hem Kşagan taslamasy boýunça ýokary taslama inženeri hökmünde dürli wezipelerde işledi (2010-2016). 2016-2018-nji ýyllarda Sanžar, Şotlandiýanyň “Merlin ERD” kompaniýasynda meýdan gözegçileriniň ýolbaşçysy we ýokary buraw inženeri bolup işledi. 2018-2019-njy ýyllarda “McKinsey & Company” kompaniýasynda dolandyryş maslahatçysy we dünýä derejesindäki nebit we gaz senagatynyň bilermeni hökmünde köp ýurtlardaky taslamalarda işini dowam etdirdi. Ol Gazagystanda 2019-2020-nji ýyllarda Ekologiýa, Geologiýa we Tebigy Baýlyklar boýunça ministriň orunbasary wezipesini ýerine ýetirip, soňra Ukrainanyň “Naftogaz” kompaniýasynyň Geologiýa we Ösüş boýunça Başlygy bolup işledi (2020-2022). 2022-nji ýylyň fewral aýyndan bäri bola "QazaqGaz" JSC kompaniýasynyň Başlygynyň wezipesini ýerine ýetirip, soňra bolsa kompaniýanyň Başlygy wezipesine geçdi. Sanžar şeýle hem Britaniýanyň Mehaniki Inženerler Institutynyň Geňeşiniň agzasy bolup, ol "Chartered Engineer" derejesini eýeleýär.