«Türkmenistanyň nebiti we gazy – OGT 2026» 31-nji halkara maslahaty we sergisi
2026-njy ýylyň 21–23-nji oktýabrynda Aşgabatda geçiriljek «Türkmenistanyň nebiti we gazy – OGT 2026» 31-nji halkara maslahaty we sergisi Türkmenistanyň esasy halkara energetika meýdançasy hem-de Ýewraziýadaky iň abraýly pudaklaýyn çäreleriň biridir.
OGT 2026 energetika howpsuzlygy, durnukly ösüş we uzak möhletleýin maýa goýum hyzmatdaşlygy meseleleri boýunça gepleşikleri ösdürmek üçin döwlet ministrlikleriniň ýokary derejeli wekillerini, milli we halkara nebit-gaz kompaniýalaryny, EPC toparlary, tehnologiýa üpjünçilerini, maliýe institutlaryny we bütindünýä maýadarlary bir ýere jemlär.
70 ýurtdan 1 400-den gowrak wekili bir ýere jemlän OGT 2025-iň rekord derejedäki netijelerine esaslanyp, 2026-njy ýylyň maslahaty maýa goýum taýdan özüne çekiji taslamalara, netijeli maýa goýum gurallaryna we energetikanyň ähli tapgyrlarynda strategik hyzmatdaşlygy kemala getirmäge gönükdiriler.
Bütindünýä energetikanyň geçiş döwründe Türkmenistan giň göwrümli uglewodorod serişdelerini jogapkärli özleşdirmegi gaýtadan dikeldilýän energetikanyň ösdürilmegi, gazy çuňňur gaýtadan işlemek we pes uglerodly tehnologiýalar bilen utgaşdyrýan deňagramly hem-de pragmatik energetika strategiýasyny durmuşa geçirýär. «OGT 2026-nyň çäginde iň iri gaz ýataklaryny özleşdirmekden başlap, durnukly syýasy ýagdaýa we daşary ýurt maýa goýumlarynyň goragyny üpjün edýän ygtybarly hukuk binýadyna esaslanýan gün we ýel energetikasy ulgamyndaky taslamalara çenli ileri tutulýan maýa goýum mümkinçilikleri hödürlener.
Tutýan orny boýunça dünýäde tebigy gazyň gorlaryna iň baý ýurtlaryň biri bolan Türkmenistan sebit we bütindünýä energetika bazarlarynda möhüm orun eýeleýär. OGT 2026-da tebigy gazyň eksport ugurlaryny diwersifikasiýalaşdyrmak meselesine, şol sanda sebit energetika hyzmatdaşlygyny berkitmegiň esasy şerti bolan Türkmenistan–Owganystan–Päkistan–Hindistan (TOPH) gaz geçirijisiniň taslamasyny durmuşa geçirmäge aýratyn üns berler.
Maslahatyň maksatnamasynda dünýäniň iň iri gaz ýataklarynyň biri bolan «Galkynyş» gaz ýatagyny özleşdirmegiň tapgyrlaýyn dowamy hem beýan ediler. Bu taslama uzak möhletleýin meýilleşdirilen maksatnama, tebigy serişdeleri netijeli peýdalanmaga hem-de halkara kompaniýalary we bilermenleri bilen özara hyzmatdaşlyga esaslanyp durmuşa geçirilýär. Türkmenistan gazy eksport etmek bilen bir hatarda, ýokary goşulan bahaly önümleri öndürýän döwrebap gaz-himiýa toplumlaryny ulanmaga bermek arkaly uglewodorodlary çuňňur gaýtadan işlemegi hem işjeň ösdürýär.
Maýa goýum mümkinçilikleri harydyň hem gury ýerdäki, hem deňizdäki uglewodorod taslamalarynda, şol sanda Kaspi deňziniň türkmen böleginde, köne ýataklardan nebitiň çykarylyşyny ýokarlandyrmak boýunça taslamalarda, şeýle hem esasy önümçilik desgalaryny — Türkmenbaşydaky nebiti gaýtadan işleýän zawodlar toplumyny we Seýdidäki nebiti gaýtadan işleýän zawody döwrebaplaşdyrmak işlerinde hödürlener.
Daşky gurşawy goramak we durnukly ösüş meseleleri gün tertibinde möhüm orun eýeleýär. OGT 2026-nyň çäginde metan zyňyndylaryny azaltmak, energiýa netijeliligini ýokarlandyrmak, gaýtadan dikeldilýän energiýa çeşmelerini ösdürmek we halkara ekologiýa hyzmatdaşlygy ýaly temalara garalar. Bu bolsa Türkmenistanyň bütindünýä howa we durnukly ösüş başlangyçlaryna işjeň gatnaşýandygyny görkezýär.
Açyklyk, bitaraplyk we uzak möhletleýin ykdysady meýilleşdiriş syýasaty netijesinde Türkmenistan ygtybarly sebit energetika döwleti we maýa goýum hyzmatdaşy hökmündäki ornuny has-da berkitdi. OGT 2026 özara gepleşikleriň anyk taslamalara, hyzmatdaşlygyň bolsa uzak möhletleýin özara bähbitlere öwrülýän ýokary derejeli meýdançasy bolar.
Biz sizi energetika pudagynyň dünýä liderleriniň, maýadarlarynyň we döwlet düzümleriniň wekilleriniň hyzmatdaşlygyň hem-de durnukly ösüşiň täze tapgyryny kemala getirmek üçin tagallalaryny birleşdirjek platforma bolan OGT 2026-da Aşgabatda garşylamaga sabyrsyzlyk bilen garaşýarys.
Biz 31-nji «Türkmenistanyň nebiti we gazy» halkara maslahatynyň we sergisiniň konstruktiw gepleşikler, hünär tejribesini alyşmak hem-de energetika howpsuzlygyny, maýa goýum özüne çekijiligini we bilelikdäki rowaçlygy berkitmäge ýardam berýän uzak möhletleýin hyzmatdaşlygy ösdürmek üçin netijeli meýdança boljakdygyna ynanýarys.
