Şu gün Aşgabatda, Türkmenistanyň Söwda-senagat edarasynda «Türkmenistanyň nebiti we gazy — 2024» atly XXIX halkara sergi öz işine başlady. Bu forumy “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy Türkmenistanyň Söwda-senagat edarasy bilen bilelikde gurady. Bu barada Turkmenportalyň habarçysy habar berýär.

Sergi 23 — 25-nji oktýabr günlerinde geçirilýär.

Açylyş dabarasyna Hökümet wekilleri, degişli edaralaryň ýolbaşçylary, diplomatik wekilhanalaryň, halkara guramalaryň we öňdebaryjy nebit-gaz kompaniýalarynyň ýolbaşçylary gatnaşdy. Çäre milli tanslary we aýdymlary hödürleýän döredijilik toparlarynyň çykyşlary bilen başlandy.