Türkmenistanyň Prezidenti Serdar Berdimuhamedow Azerbaýjan Respublikasynyň Prezidenti Ilham Aliýewe doglan güni mynasybetli gutlag hatyny iberdi. Türkmenistanyň döwlet Baştutany hatynda Azerbaýjanyň Prezidentini tüýs ýürekden gutlap, iň gowy arzuwlaryny beýan edip, Azerbaýjanyň doganlyk halkyna parahatçylyk, abadançylyk we gülläp ösüş arzuw etdi.

“Siziň ýolbaşçylygyňyzda Azerbaýjan häzirki döwürde döwlet berkararlygyny berkitmek we durmuş-ykdysady ösüş ýoly bilen ynamly öňe barýar” diýip, Serdar Berdimuhamedow gutlagynda belleýär. Şeýle hem Türkmenistan bilen Azerbaýjanyň arasynda deňlik, özara hormat goýmak we ynanyşmak ýörelgelerine esaslanýan däp bolan dostlukly gatnaşyklaryň möhüm ähmiýeti nygtalyp, bu hyzmatdaşlygyň iki ýurduň halklarynyň bähbidine mundan beýläk-de ösdüriljekdigine we berkidiljekdigine ynam bildirildi.